دكتۆر فوئاد مه‌عسوم سه‌رۆكی كاتی ئه‌نجومه‌نی نوێنه‌ران ڕایگه‌یاند كه‌ ئه‌نجومه‌نی نوێنه‌ران ڕۆژی سێشه‌ممه‌ به‌رواری 27/7/2010 كاتژمێر 11ی سه‌رله‌به‌یانی ده‌ست ده‌كاته‌وه‌ به‌ دانیشتنی ئاسایی كراوه‌ی خۆی، داواشی له‌ به‌ڕێزان ئه‌ندامانی ئه‌نجومه‌نی نوێنه‌ران كرد له‌واده‌ی دیاریكراودا له‌ كۆشكی كۆنگره‌كان ئاماده‌بن.
ئه‌م لێدوانه‌ی سه‌رۆكی كاتی ئه‌نجومه‌نی نوێنه‌ران له‌دوای كۆبوونه‌وه‌ی سێیه‌می سه‌رۆك و نوێنه‌ری لیسته‌ په‌رله‌مانیه‌كان هات كه‌ یه‌كشه‌ممه‌ به‌رواری 25/7/2010 به‌ڕێوه‌چوو، له‌كۆبوونه‌وه‌كه‌شدا پێداگری كرا له‌سه‌ر پێویستی كاراكردنی ڕۆڵی ئه‌نجومه‌نی نوێنه‌ران، ئه‌مه‌ جگه‌ له‌ چڕكردنه‌وه‌ی گفتوگۆو دیداره‌كان به‌مه‌به‌ستی گه‌یشتن به‌چاره‌سه‌رێك بۆ كێشه‌ی هه‌رسێ سه‌رۆكایه‌تی.
فه‌رمانگه‌ی ڕاگه‌یاندن
ئه‌نجومه‌نی نوێنه‌رانی عێراق
25/7/2010